Novena ni Sr. San Jose

English version will be available SOON!

(SA TANANG ADLAW SULOD SA 9 KA ADLAW NGA NOVENA)

Moluhod sa atubangan sa altar o sa larawan ni San Jose nga mahimayaon ug ihalad ta ang atong mga pag-ampo ug mga hunahuna sa labing dakung himaya sa pagtahud kang Maria Santisima ug sa paghinangop kang San Jose ug moingon kita:

Tungud sa timaan etc., ug dayong pangadyeon ang Ginoong Jesucristo, Dios ug tawo nga matuod…

PAG-AMPO SA ADLAWNG TANAN

Mahimayaon nga Patriarca Senor San Jose, esposo ni Maria Sanntisima, pinaka Ana-Amahan ni Jesus nga atong Kinabuhi, ug manlalaban namo nagahapa kami sa imong mga tiil ug nagahalad kanimo sa pipito ka Amahan namo ug pipito ka Maghimaya ka Maria ug Gloria Patri sa paghinumdumm ug pagtahud sa mga punoan ug kasakit ug kalipay nga gibati mo dinhi niining kinabuhi ingon man usab tungud sa kanunay nga kasubo nga gibati mo sa pagpalandong sa lawas nga walay buling ni Jesus nga bata, nga sa ulahi nga adlaw sa ubos sakiton sa daku nga mga kasakit, pagaduphon ug tungud usab sa dakung kasakit sa kasingkasing mo sa pagbulag kang Jesus ug sa iyang Santos nga inahan sa imong kamatay; ingon man usab tungod sa kalipay nga daku sa imong kasingkasing sa pagpalandong sa mga bunga nga matam-is sa grasya ug paka Santos nga hiambitan sa mga tawo, sa kahoy nga Santos sa Cruz, ug sa pagtambong kanimo ni jesus nga maayo ug sa Inahan niya nga mahigugmaon sa oras sa among ikamatay: busa nagahangyoo kami sa imong paglaban ug nangamuyo nga idangat mo kami sa kamahalan nga diosnon sa mga grasya nga gitugot sa imong kalolot sa mga tawo nga nagadevocion kanimo ug ingon man usab ang pangayoon namo sa Dios sa labi nga angay sa iyang dakung himaya, sa pagtahud kanimo ug sa kaayohan sa among mga kalag. Amen Jesus, Maria y Jose.

Karon pangadyeon ang pito ka Amahan Namo ug pito ka Maghimaya ka Maria ug Gloria Patri

Padayon sa Inadlaw nga pag-ampo