Pag-ampo nga kanatapusan sa adlaw nga tanan
Oh Dios nga walay sinugdan ug makagagahum sa tanan, nga tungud sa imong kalooy gipili mo sa tanang mga tawo ang among Amahan Senor San Jose aron mahimo nga esposo sa Mahal nga Birhen Maria ug magbalantay nga matinumanon sa hingpit niya nga pagkaulay, pinaka-amahan ug magbalantay nga makugihon ni Jesus, testigos sa mga misteryo nga labi ug halawom, sinayran mo sa mga sekreto nga labing tinago; punoan ug pangulo sa imong balay ug mga sakop niya si Jesus ug si Maria, nga gibuhi niya sa singot ug kahago sa iyang lawas, giubanan niya, ug gisagang sa padumot kanila sa mga tawo ug sa ilang paghingilin ug sa mga kalisdanan ngatanan; gitabangan niya, ug gisagang sa pagdumot kanila sa mga tawo ug sa ilang mga peligro sa pagtuman nga hingpit sa kabubut-on nga Santos uyamut sa mga hataas nga katungdanan nga gihatag mo kaniya, ingon sa usa ka alagad nga masinugtanon tungud sa mag pahanungdan niining Patriarca nga Santos uyamot nangamuyo kami kanimo, Ginoo nga kaloy-an mo ang among kaluya ug kahangol, pasayloon mo ang among mga sala ug tagaan mo kami sa grasya nga ikatuman sa mga katungdanan sa among pagkabutang ug ikatuman usab sa mga batasan nga Santos sa pagbuhat sa ngatanan nga angay sa pagsilbi kanimo ug sa pagpadayon kutub sa kaapusan sa among kanabuhi aron makadawat kami sa usa ka Santos nga kamatayon ug sa katapusan dangaton namo ang bulahan nga matapus gihapon. Amen Jesus, Maria y Jose.
Ania: Exugens Joseph a sommo fecit sicut praecepit et Angeles Domini et accepit conjugem suam.
V. Constituit eum Domnum dumus sua.
R. Et princepem omnis possessonis sua.
OREMUS:
Deus, qui ineffabili provindential Beatum Joseph Sanctisima Genitricis tuae Sponsum eligere dignatus es; praesta quaesumus, ut quem protectorem veneramur in terries intercessorem habere mereamur in coelis Qui Vivis et regnas, etc.
Gozos
Kay sa Dios kang gipalangga
Sa himayang langitnon.
NAHAUNANG KASAKIT
Sa nanamkon si Maria
Dili mo ang Misteryo hibaw-an
Gituyo nga miingawon
Nga mobulag ka kaniya
Kasakit nga dakung tuod,
Makalilisang ug hatas-on
Jose Imo Kami . . ..
NAHAUNANG KALIPAY
Nagpakiita ang Angel nga Santos
Miingon dili ka mahadlok,
Sa Esposa mo ang gipanamkon
Gikan sa Espiritu Santo
Ang Kasakit mo nabalhin,
Sa kalipayan nga daku.
Jose Imo Kami..
IKADUHANG KASAKIT
Nakita mo ang Dos nga Tawo
Sa pasungan na gisugdan,
Ug giubanan mo nga mingaw,
Sa Belen kasakit t
Ang buot mo nga masulob-on
Jose Imo Kami..
IKADUHANG KALIPAY
Ang pagkatawo sa Dios,
Sa mga Angheles, gibalaod,
Ang Bata ilang gisaulog
Gisimba uban sa mga Pastor,
Sa kalipay ka naloon
Kay gisimba ang Batang Dios.
Jose Imo Kami…
IKATULONG KASAKIT
Ang kasingkasing mo nayugot
Sa iyang circumcision
Kay ang ginaula nga dugo
Maoy primisias sa Pasyon
Kining kasakit nakataslop
Sa Kalag mo ug kabubut-on
Jose Imo Kami..
IKATULONG KALIPAY
Ang Bata nga Diosnon ug Tawo
Maoy sugo sa Amahan
Nga pagangalan si Jesus
Kining matam-is nga ngalan
Gimbut-an nga matuod
Jose Imo Kaming..
IKAUPAT NGA KASAKIT
Ang mga kasakit nga tinagna
Simeon nga gilamdagan
Nahimong krus sa Dios nga Bata
Ug sa Inahan hinagiban;
Kanimo ang dakung kayugot
Sa Kasingkasing mo nakatubus.
Jose Imo Kami..
IKAUPAT NGA KALIPAY
Sa Dios ang dakung kalooy
Kanimo nagpahimuot,
Kay ang tambal sa kalibutan
Gitugyan sa imong kamut,
Kay nakalipay kanimo
Ang mahal nga palad namo.
Jose Imo Kami..
IKALIMA NGA KASAKIT
Si Herodes nga mamumuno
Sa Batang Dios nagadumot
Pati ang Inahan imong gihatud
Sa mga lungsod sa Ehipto
Kining kaaway nga mabangis
Sa Kasingkasing mo nakalisud.
Jose Imo Kaming..
IKALIMA NGA KALIPAY
Sa pagsulod sa Ehipto
Sa Batang Haring Langitnon
Nangasukamud sa yuta
Ang mga diosdios nga bakakon
Natugob ka sa kalipay
Kay ang mga yawa nadaug.
Jose imo Kami…
IKAUNOM NGA KASAKIT
Sa manatay si Herodes
Mindayon kamo pag-uli
Napuno ka sa kamingaw
Kay naghari si Arquelao
Daku tuodang kasakit mo
Kay sa hinigugma ang dakut.
Jose Imo Kami..
IKAUNOM NGA KALIPAY
Sa Anghel ka gibalitaan
Ug iya kang gipangumusta
Ug ang Nazaret nga bulahan
Gitudlo niya inyong puloy-anan
Tinabangan ka sa Anghel
Nga kanimo nakigkuyog.
Jose Imo Kaming…
IKAPITO NGA KASAKIT
Ang Kasakit mo nadaku
Kon hilakan mo nga nawala
Ang Batang Dios gipalandong,
Ang kasubo sa Inahan
Hapit ka na mamatay
Sa hilabihan nga kayugot
Jose Imo Kaming…
IKAPITO NGA KALIPAY
Nangapuno kamong duha
Sa kalipay ug himaya.
Kon hikit-an sa Simbahan;
Ang hinigugmang Dios nga Bata
Kanimo nagbahandi-anon
Kining kalipay nga matuod
Jose Imo Kami..
PANGILABA KANG SAN JOSE
Ang mga kasakit mo ug kalipay
Amo nga gayud nga ginatahud
Sa panlaban mo nangayo
Ang tanan nga mga tawo,
Ang among kinahanglanon
Gitugyan sa imong kamut.
Jose Imo kaming panalabanan sa kinabuhi ug sa kamatayon.